Чорабинии сиёсӣ бахшида ба 27-умин солгарди таъсисёбии Ҳизби Халқии Демократии Тоҷикистон

Дар Бонки давлатии амонатгузории Ҷумҳурии Тоҷикистон “Амонатбонк” бахшида ба 27-умин солгарди таъсисёбии Ҳизби Халқии Демократии Тоҷикистон чорабинии сиёсӣ баргузор гардид.

Дар оғози чорабинӣ Раиси Ташкилоти ибтидоии “Амонат”-и Бонки давлатии амонатгузории Ҷумҳурии Тоҷикистон «Амонатбонк» мӯҳтарам Икромӣ С.С. кулли иштирокчиёни чорабиниро бо 27-умин солгарди таъсисёбии Ҳизби Халқии Демократии Тоҷикистон табрику таҳният гуфтанд.

Зикр гардид, ки Ҳизби Халқии Демократии Тоҷикистон ҳамчун ҳизби созандаву бунёдкор, бо идеяҳои солими миллӣ ва ғояҳои созандаи худ баҳри ба муттаҳидӣ расонидани миллат, таъмини амният ва зиндагии шоиста ба ҳар фарди Ватан кўшиши ҳамешагӣ намуда, дар ин роҳ хизматҳои бесобиқаву сарсупурдаи Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон беназир аст.

Сипас Раиси Кумитаи иҷроияи ҲХДТ дар ноҳияи И.Сомонӣ Расулзода Насимҷон бо маърузаи хеш баромад намуда, иброз доштанд, ки дар ҳақиқат Ҳизби Халқии Демократии Тоҷикистон зери шиори «Барои пешрафт ва зиндагии шоистаи мардум!» садоқати худро ба арзишҳои умумимиллии соҳибихтиёрӣ, демократия, баробарҳуқуқӣ ва ошкорбаёнӣ изҳор карда, барои пешрафти ҳамаҷонибаи Тоҷикистон тамоми тадбирҳои имконпазирро амалӣ месозад. ҲХДТ барои таъмини рушди устувор ва бомароми мамлакат, ки бо мақсади муҳайё кардани сатҳу сифати арзандаи зиндагии аҳолӣ, фароҳам овардани имкониятҳои баробар ҷиҳати татбиқи нерӯи инсонӣ дар асоси баробарӣ, адолат ва эҳтиром гузоштан ба шаъну шарафи инсон равона шудааст, пайваста саъю кӯшиш менамояд.

Аъзоёни фаъоли Ташкилоти ибтидоии “Амонат”-и Бонки давлатии амонатгузории Ҷумҳурии Тоҷикистон «Амонатбонк» Гулбегим Сафарзода ва Абдулазиз Нарзуллоев низ оид ба дастовардҳои беназири ҲХДТ давоми 27 соли фаъолият суханронӣ намуда, дар васфи Тоҷикистони биҳиштосо аз ашъори шоири ширинкалом Гурез Сафар шеърҳои пурмазмун қироат намуданд.

Сипас дар охири чорабинӣ ба якчанд нафар кормандони Бонк шаҳодатномаи ҳизбӣ тақдим карда шуд.